BRB-TECH ICT WEEK Uzbekistan 2026 доирасида банклар, бизнес ва давлат учун ўз тажрибасини намойиш этди

Бугун 19:582 дақиқа

Компания онлайн банкинг, масофавий банк хизматлари, халқаро тўловлар, P2P хизматлари, масофадан банк ҳисоб рақамини очиш ва бошқа кўплаб рақамли хизматларни жорий этиш билан шуғулланади.

BRB-TECH ICT WEEK Uzbekistan 2026 доирасида банклар, бизнес ва давлат учун ўз тажрибасини намойиш этди

Бугун банк ва финтех компаниялари учун рақамлаштириш шунчаки замонавий илова яратишдан иборат эмас. Тизим юкламаси ошганда унинг тезлиги, маълумотлар базаси, хавфсизлик ва мавжуд инфратузилма билан интеграция каби масалалар ҳам муҳим аҳамият касб этади.

Шу сабабли бизнесга фақат код ёзиб берадиган дастурчи эмас, балки компаниянинг реал муаммоларини тушуниб, уларга мос технологик ечим таклиф қила оладиган ҳамкор керак.

BRB Tech компанияси эса ўзини айнан шундай технологик ҳамкор сифатида тақдим этмоқда.

Компания вакилларининг айтишича, ICTWEEK 2026 ҳафталигида BRB Tech дастурий таъминот ишлаб чиқувчи компания сифатида эмас, балки бизнес жараёнларини ўрганиб, уларга мос ечимлар ишлаб чиқадиган технологик ҳамкор сифатида ўз имкониятларини намойиш этмоқда.

Компаниянинг асосий йўналишларидан бири — финтех ва молия сектори. Бу соҳада BRB Tech онлайн банкинг, масофавий банк хизматлари, халқаро тўловлар, P2P хизматлари, масофадан банк ҳисоб рақамини очиш ва бошқа кўплаб рақамли хизматларни жорий этиш билан шуғулланади.

BRB Tech ёндашувида эса тайёр дастурий маҳсулотни шунчаки тақдим этиш билан чекланилмайди. Компания вакилларига кўра, аввало платформадаги мавжуд муаммолар ўрганилади, аудит ўтказилади ва бизнесга айнан қайси ечим кераклиги аниқланади. Шундан кейингина оптимал технологик таклиф ишлаб чиқилади.

Компания давлат органлари билан интеграция бўйича ҳам тажрибага эга эканини таъкидламоқда. Шу сабабли BRB Tech ўз мижозларига нафақат дастурий таъминот, балки бизнес жараёнларини такомиллаштириш бўйича тавсиялар ва тайёр технологик ечимларни ҳам таклиф қилмоқда.

Янги тўлов технологиялари

ICTWEEK 2026 доирасида компания янги тўлов технологияларини ҳам намойиш этмоқда. Улар қаторида “табассум тўлови” ва кафт орқали тўлов технологиялари бор.

Компания вакилларининг қайд этишича, ушбу ечимлар ташрифчиларда катта қизиқиш уйғотмоқда. Янги тўлов технологиялари банк сектори билан бирга бизнес эгалари учун ҳам хизмат кўрсатиш жараёнларини янгилаш ва мижозларга янги имкониятлар тақдим этишга хизмат қилиши мумкин.

Теглар

тўлов тизимлари финтех рақамли технологиялар P2P банк IT кафт орқали тўлов рақамлаштириш BRB-TECH ICT WEEK 2026 онлайн банкинг халқаро тўловлар табассум тўлови

Мавзуга оид

Кеча 17:01

Шахмат олимпиадасига бағишлаб олтин ва кумуш тангалар чиқарилади

Марказий банк дастлаб 100 дона олтин ва 500 дона кумуш эсдалик тангасини муомалага чиқаришни режалаштирган. Тангаларнинг оғирлиги 31,1 граммдан бўлиб, улар ёнма-ён қўйилганда Регистон майдони пештоқининг яхлит тасвири ҳосил бўлади.

Бугун 17:41

Энди биржада сотилган пахтанинг ҳар тоннасига 500 минг сўмдан субсидия берилади

У пахтани биржада сотган фермерга ҳам, уни сотиб олган кластерга ҳам ажратилади. Ўз ерида пахта етиштирган кластерлар эса гектарига 1,5 млн сўмдан субсидия олади.

Бугун 18:55

АҚШдаги нуфузли лабораторияда ишлаётган ўзбекистонлик олим нега «Эл-юрт умиди» билан судлашмоқда?

Акмал Маҳмудов бакалавр босқичини «Эл-юрт умиди жамғармаси» ҳисобидан тамомлаб, PhD дастурига қабул қилинган. У Ўзбекистонга қайтиб, беш йил ишлаб бериш мажбуриятини бажармаганликда айбланмоқда. Олим эса мажбуриятдан қочмаётганини, фақат докторантурани тугатиш учун вақт сўраганини айтмоқда.

Кеча 18:20

Андижонда 2 млрд долларлик лойиҳалар ишга туширилди

Маросимда умумий қиймати 9,4 млрд доллар бўлган 206 та лойиҳа қамраб олинди. 7 млрд 350 миллион долларлик 108 та лойиҳанинг қурилиши бошланди.

Бугун 18:47

«Uzbekistan Airways» IPO’си 2027-йилга қолдирилади – вазирлик

Тармоқларда миллий авиакомпания IPO’си келгуси йилга кечиктирилиши ҳақида хабарлар тарқалди. Vaqt.uz ҳолат юзасидан Иқтисодиёт ва молия вазирлиги матбуот хизмати билан боғланиб, кечиктирилиш сабабларига аниқлик киритди.

Кеча 13:05

Президент Андижонга бориб, халқаро аэропортнинг реконструкция ишлари билан танишди

Аэродром мажмуасини қайта таъмирлаш лойиҳасининг умумий қиймати 1,1 трлн сўмни ташкил этади. Биринчи босқичда аэропорт инфратузилмаси тубдан янгиланди. Учиш-қўниш йўлаги 3,3 километргача узайтирилиб, кенглиги 60 метр бўлган янги 4E тоифали йўлак барпо этилди. Шунингдек, 10 та ҳаво кемасига мўлжалланган тўхташ жойлари ва руллаш йўлаклари қурилди.