Давлат шифохоналарида пулли хизмат кўрсатиш тартиби белгиланди

Бугун 12:252481

Режали тиббий ёрдам олиш учун тегишли йўлланмасиз, ўз ихтиёри билан мурожаат қилганда, белгиланган тартибда пулли тиббий ёрдам кўрсатилади.

Давлат шифохоналарида пулли хизмат кўрсатиш тартиби белгиланди

11 ноябрда 718-сонли ҳукумат қарори билан «Ўзбекистон Республикаси Соғлиқни сақлаш вазирлиги тизимидаги тиббиёт муассасаларида пулли хизмат кўрсатиш тартиби тўғрисида» ги низом тасдиқланди. Бу ҳақда Адлия вазирлигининг «Ҳуқуқий ахборот» Телеграм каналида маълум қилинди.

Мазкур низомга кўра, тиббиёт муассасасига мижоз режали тиббий ёрдам олиш учун тегишли йўлланмасиз, ўз ихтиёри билан мурожаат қилганда, тиббий ёрдам белгиланган тартибда пулли асосда кўрсатилади.

Жумладан, давлат томонидан бирламчи тиббий-санитария ёрдами муассасаларида кафолатланган пакет доирасида бепул кўрсатиладиган тиббий хизматлардан ташқари хизматлар қўшимча ҳисобланади ва пулли асосда кўрсатилади.

Мижоз тиббиёт муассасаларининг рўйхатга олиш бўлимлари томонидан қабул қилинади ва рўйхатга олинади. Ҳар бир мижознинг тиббий картасига унинг шахсини тасдиқловчи маълумотлари асосида пулли хизмат кўрсатилиши белгиланади.

Мижозлар тиббиёт муассасасига тўловни олдиндан тўлиқ тўлаш шартларида қабул қилинади.

Тиббиёт муассасаларига келган шахслар тасдиқланган нархнома бўйича ҳақ тўлагандан сўнг маслаҳат олиш учун мутахассис шифокорга ва (ёки) инструментал-лаборатор ташхис қўйишга юборилади.

Эслатиб ўтамиз, аввалроқ 2026 йилдан давлат шифохоналари ҳафтасига беш кунлик иш режимига ўтиши ҳақида хабар бергандик.

Теглар

Тиббиёт ҳукумат қарори соғлиқни сақлаш пулли хизмат

Мавзуга оид

10.11.2025 | 18:35

Соғлиқни сақлаш соҳасидаги энг зўр раҳбарларга 30 млн сўмдан пул мукофоти берилади

Шунингдек, улар раҳбарлик қилаётган шифохона ва поликлиника инфратузилмасини яхшилашга 500 миллион сўмдан ажратилади.

Бугун 10:03

«Наркотикларга қарши курашиш фидойиси» кўкрак нишони таъсис этилди

Гиёҳвандлик ва наркожиноятларга қарши курашда фаоллик кўрсатган фуқаролар, биринчи навбатда, ёшлар ҳар йили махсус кўкрак нишони билан тақдирланади.

06.11.2025 | 14:55

2026 йилдан «Online-шифокор» тизими йўлга қўйилади

2026 йилдан бошлаб тез тиббий ёрдам хизматида аҳоли учун онлайн шифокор маслаҳатлари тизими ишга туширилади.

10.11.2025 | 10:40

Наманганда контрабанда йўли билан олиб кирилган гиёҳванд моддалар фош этилди

Қирғизистон Республикасидан айланма йўллар орқали олиб келинган қиймати 3,2 млрд сўмдан ортиқ бўлган, 24122 дона кучли таъсир қилувчи дори воситалари ҳамда 45 турдаги жами 61 287 дона контрафакт дорилари аниқланган.

07.11.2025 | 14:25

Халқаро почта жўнатмаларини божхонадан ўтказиш тартиби белгиланди

Жўнатмаларни ташиш, юклаш, тушириш ва сақлаш каби юк операцияларини амалга оширишда юзага келадиган харажатлар почта алоқаси оператори ёки экспресс ташувчи ҳисобидан қопланади.

11.11.2025 | 15:51