Marko Rubio 100 dan ortiq biznes vakillarini Samarqandga boshlab kelmoqda

Бугун 20:301 дақиқа

Davlat kotibi O‘zbekiston rahbariyati va Markaziy Osiyo davlatlari vakillari bilan alohida uchrashuvlar o‘tkazmoqchi.

Marko Rubio 100 dan ortiq biznes vakillarini Samarqandga boshlab kelmoqda

AQSH Davlat kotibi Marko Rubio joriy yilning oktabr oyi o‘rtalarida 100 dan ortiq Amerika kompaniyalaridan iborat biznes-delegatsiyaga boshchilik qilgan holda O‘zbekistonning Samarqand shahriga keladi. Bu haqda 24-sentabr kuni Hindistondagi AQSH diplomatik vakolatxonasi saytida ma’lum qilindi.

C5+1 formatidagi muzokaralar va hamkorlik

Qayd etilishicha, tashrif AQSH va Markaziy Osiyo mamlakatlari o‘rtasidagi strategik sheriklikni rivojlantirish hamda ikki tomonlama diplomatik, savdo va iqtisodiy hamkorlikni kengaytirishga qaratilgan.

Tashrif doirasida Davlat kotibi Qozog‘iston, Qirg‘iziston, Tojikiston, Turkmaniston va O‘zbekiston tashqi ishlar vazirlari ishtirokida o‘tadigan C5+1 formatidagi vazirlar yig‘ilishida qatnashadi.

Xabarda aytilishicha, uchrashuvlarda mintaqaviy iqtisodiy aloqalarni chuqurlashtirish, energetika xavfsizligini oshirish va C5+1 doirasida umumiy mintaqaviy masalalar bo‘yicha hamkorlik muhokama qilinadi.

Shuningdek, Marko Rubio Markaziy Osiyo bo‘ylab savdo ko‘lamini kengaytirish, xususiy sektor investitsiyalarini rag‘batlantirish va iqtisodiy modernizatsiyani qo‘llab-quvvatlash masalalarini muhokama qilish uchun O‘zbekiston rahbariyati va Markaziy Osiyo davlatlari vakillari bilan o‘zaro uchrashuvlar o‘tkazishi rejalashtirilgan.

Теглар

investitsiya Samarqand Marko Rubio C5+1 Serjio Gor O‘zbekiston diplomatik aloqalar.AQSH Davlat kotibi Amerika kompaniyalari AQSH va Markaziy Osiyo

Мавзуга оид

Кеча 20:30

O‘zbekistonliklar pullarini qaysi valutada saqlamoqda?

Bir yil avval valutadagi depozitlar ulushi 24 foiz bo‘lgan bo‘lsa, hozir bu ko‘rsatkich 19 foizga tushgan.

Кеча 18:55

AQSHdagi nufuzli laboratoriyada ishlayotgan o‘zbekistonlik olim nega «El-yurt umidi» bilan sudlashmoqda?

Akmal Mahmudov bakalavr bosqichini «El-yurt umidi jamg‘armasi» hisobidan tamomlab, PhD dasturiga qabul qilingan. U O‘zbekistonga qaytib, besh yil ishlab berish majburiyatini bajarmaganlikda ayblanmoqda. Olim esa majburiyatdan qochmayotganini, faqat doktoranturani tugatish uchun vaqt so‘raganini aytmoqda.

Бугун 16:10

Prokuror 6 yil so‘radi, himoyachilar ishning «siyosiy» ekani haqida gapirdi — Sirojiddin Odilov sudidan reportaj

Kecha, 24-sentabr kuni Jinoyat ishlari bo‘yicha Mirzacho‘l tuman sudida bloger Sirojiddin Odilov ustidan sud majlisi davom ettirildi. Sudya Abdumannon Shaydoyev raisligida o‘tayotgan jarayonning kechagi kunida davlat ayblovchisi Ma’ruf Xudoyberdiyev hamda sudlanuvchi Odilovning himoyachilari o‘z muzokara nutqlarini so‘zladilar.

Бугун 19:25

Namanganda 5 yoshli bolaga nisbatan jinsiy zo‘ravonlik: gumonlanuvchi qamoqqa olindi

Ochiqlangan ma’lumotlarga ko‘ra, gumonlanuvchi davlat bog‘chasida xo‘jalik ishlari bo‘limi, jumladan ombor uchun mas’ul xodim bo‘lgan.

Кеча 19:58

BRB-TECH ICT WEEK Uzbekistan 2026 doirasida banklar, biznes va davlat uchun o‘z tajribasini namoyish etdi

Kompaniya onlayn banking, masofaviy bank xizmatlari, xalqaro to‘lovlar, P2P xizmatlari, masofadan bank hisob raqamini ochish va boshqa ko‘plab raqamli xizmatlarni joriy etish bilan shug‘ullanadi.

Бугун 19:55