Ўзбекистон икки карра Бутунжаҳон шахмат олимпиадаси ғолибига айланди
Сўнгги 11-турда фақатгина Муҳиддин Мадаминов украиналик рақиби Роман Деҳтяровни ютди. Қолган иштирокчилар – Нодирбек Ёқуббоев, Жавоҳир Синдоров ва Нодирбек Абдусатторовлар эса ўйинни дуранг билан якунлади.
© Ijtimoiy tarmoqlarШахмат бўйича Ўзбекистон эркаклар терма жамоаси Самарқандда ўтказилаётган олимпиадада иккинчи бор чемпионликни қўлга киритди.
Ўзбекистонлик шахматчилар 11-турда Украина билан баҳсни якунламасдан туриб чемпионликни расман кафолатлади. Бунга асосий рақиб Ҳиндистоннинг Венгрия билан дуранг қайд этгани сабаб бўлди. Натижада Ўзбекистон турнир жадвалидаги пешқадамликни сақлаб қолди.
Ўзбекистон 10 турдан кейин Ҳиндистондан бир очко олдинда эди: 18 га 17. Мамлакат мусобақанинг дастлабки 7 турининг барчасида ғалаба қозонди. Ҳал қилувчи баҳсларда Ҳиндистон устидан 2.5:1.5, Хитой устидан 3:1 ҳисобида ғалаба қозонилди. 8-турда Германия ғалабали серияни тўхтатди, аммо жамоамиз дарҳол ўзини тиклаб, 9-турда турнирнинг биринчи рақамли сараланган жамоаси — АҚШ мағлуб этди, 10-турда эса Арманистон 3.5:0.5 ҳисобида таслим этилди. Ниҳоят — Украинага қарши сўнгги ғалаба олтин медаль масаласини ҳал қилди.
Олимпиадада фақатгина Муҳиддин Мадаминов украиналик рақиби Роман Деҳтяровни ютди. Қолган иштирокчилар – Нодирбек Ёқуббоев, Жавоҳир Синдоров ва Нодирбек Абдусатторовлар эса ўйинни дуранг билан якунлади. Натижада Ўзбекистон Украинага қарши ўйинда 2,5:1,5 ҳисобида ғолиб бўлди.
