Ўзбекистонда қуёш ва ГЭСларда электр ишлаб чиқариш 50 фоиздан кўпроқ ошди
14-ноябрь куни мамлакатда 266,8 млн кВт·соат электр энергияси ишлаб чиқарилди. Қуёш станцияларида ўсиш 50,3 фоизни, ГЭСларда эса 65,9 фоизни ташкил этди.
© uzbekenergo.uz2026-йил 14-ноябрь куни Ўзбекистонда жами 266,8 млн кВт·соат электр энергияси ишлаб чиқарилди. Бу 2025-йилнинг шу кунига нисбатан 13,6 млн кВт·соат ёки 5,4 фоизга кўп. Ўтган йилнинг 14-ноябрида ушбу кўрсаткич 253,2 млн кВт·соатни ташкил этган.
Электр энергиясининг асосий қисми иссиқлик электр станциялари (ИЭС) ҳиссасига тўғри келди. Улар кун давомида 214,8 млн кВт·соат электр энергияси ишлаб чиқарди. Бироқ бу ўтган йилнинг мос даврига нисбатан 2,2 фоизга кам.
Қайта тикланувчи энергия манбаларида эса ўсиш кузатилди. Хусусан:
● Гидроэлектр станциялари (ГЭС) – 20,9 млн кВт·соат электр энергияси ишлаб чиқарди. Бу ўтган йилга нисбатан 65,9 фоизга кўп;
● Қуёш электр станциялари – 22,1 млн кВт·соат (+50,3 фоиз);
● Шамол электр станциялари – 5,5 млн кВт·соат (+27,9 фоиз);
● Блок станциялар – 3,3 млн кВт·соат (+83,3 фоиз);
● Кичик қувватли қуёш панеллари – 0,3 млн кВт·соат (+50 фоиз).
Аввалроқ Vaqt.uz Тошкент ИЭС яқин келажакда мазут ёқишдан воз кечиши мумкинлиги ҳақида хабар берган эди. Бунга 7-ноябрь куни илк бор кучланиш берилган, қуввати 1 602 МВА бўлган «Ҳалқа» подстанцияси ишга туширилиши ва пойтахтдаги электр юкламаларининг қайта тақсимланиши сабаб бўлиши кутилмоқда.
