O‘zbekistonda narxlarni kuzatish uchun «NarxStat» platformasi ishga tushirildi

Бугун 18:441 дақиқа

Yangi platforma orqali oziq-ovqat va yonilg‘ining tumanlar kesimidagi narxlari, uy-joy bozori indeksi hamda inflatsiya ko‘rsatkichlarini kuzatish mumkin.

O‘zbekistonda narxlarni kuzatish uchun «NarxStat» platformasi ishga tushirildi

Milliy statistika qo‘mitasi O‘zbekistonda narxlar statistikasiga oid ochiq ma’lumotlarni jamlovchi «NarxStat» platformasini ishga tushirdi. Unda asosiy iste’mol tovarlari va yonilg‘i narxlaridan tortib, uy-joy bozori ko‘rsatkichlarigacha bo‘lgan ma’lumotlar joylashtirilgan.

Platforma narx.stat.uz manzilida ishlaydi. U orqali O‘zbekistondagi iste’mol narxlari indeksi, asosiy oziq-ovqat mahsulotlari va yonilg‘ining hududlar hamda tumanlar kesimidagi haftalik o‘rtacha narxlari bilan tanishish mumkin.

Shuningdek, tizimda uy-joy bozori narxlari indeksi va sanoat ishlab chiqaruvchilari narxlari indeksi ham taqdim etiladi.

Ma’lumotlarni yuklab olish mumkin

«NarxStat» foydalanuvchilari inflatsiya va iste’mol xarajatlari kalkulatorlaridan ham foydalanishi mumkin. Bu vositalar orqali narxlar o‘zgarishi va iste’mol xarajatlariga oid hisob-kitoblarni amalga oshirish imkoniyati mavjud.

Platformadagi ma’lumotlarni CSV va JSON formatlarida yuklab olish mumkin. Shuningdek, ma’lumotlarga API orqali ro‘yxatdan o‘tmasdan kirish imkoniyati ham yaratilgan.

Eslatib o‘tamiz, 2026-yilning aprel oyida Markaziy bank Milliy statistika qo‘mitasi ma’lumotlari asosida narxlar monitoringi platformasi — «narxtahlil.uz»ni ishga tushirgandi.

Ushbu platformada 30 turdagi asosiy oziq-ovqat mahsulotlarining respublika, hudud, tuman va shaharlar kesimidagi haftalik o‘rtacha narxlarini kuzatish mumkin. Bundan tashqari, unda narxlarning o‘tgan haftaga nisbatan o‘zgarishi, iste’mol narxlari indeksi va inflatsiya ko‘rsatkichlari ham joylashtirilgan.

Теглар

narxlar inflatsiya NarxStat

Мавзуга оид

11.11.2026 | 22:13

Telefonlar uchun bekor qilinadigan boj, Yangi Toshkentdagi yirik imtiyozlar va Aeroportda bekor qilingan IMEI cheklovi — 11-noyabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Кеча 23:00

Alohida hokimlikka ega bo‘lgan Yangi Toshkent, qurilishi Turkiya va Qatarga topshirilgan «Yangi Buxoro» aeroporti hamda Sergeli va Yunusobodni bog‘lovchi BRT yo‘lagi — 12-noyabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

Кеча 15:05

Shaxsiy ma’lumotlarni qanday himoya qilish mumkin? (qo‘llanma)

So‘nggi paytlarda aholining soxta bandlik bilan ta’minlanishi va shaxsiy ma’lumotlari o‘g‘irlanishi bilan bog‘liq qator holatlar sodir bo‘ldi. Bunday vaziyatda har kimning o‘z shaxsiy ma’lumotlarini himoya qilishi suv va havodek zarur. Vaqt.uz bu borada qo‘llanma tayyorladi.

Кеча 22:51

O‘zbekistonda bir kunda 256,5 mln kVt·soat elektr energiyasi ishlab chiqarildi

Ushbu ko‘rsatkich o‘tgan yilning mos davriga nisbatan 0,9 foizga o‘sgan.

11.11.2026 | 22:23

Saida Mirziyoyeva Parijda Emmanuel Makron bilan uchrashdi

Uchrashuvda mudofaa, xavfsizlik, sun’iy intellekt va iqtisodiy loyihalar muhokama qilindi.

Кеча 20:55

Buxoro neftni qayta ishlash zavodining quvvati 4,6 mln tonnaga yetkazilib, «Yevro-5» benzini ishlab chiqariladi

«Yevro-5» ekologik standartiga javob beradigan AI-92 va AI-95 rusumli avtobenzin ishlab chiqarishni yo‘lga qo‘yish bo‘yicha qiymati 328 million dollarlik loyiha ishlab chiqilgan.