Ikki filmda foydalanilgan yorug‘lik qilichi auksionda yuqori narxga sotildi

Бугун 17:541 дақиқа

Dart Veyder obrazi bilan bog‘liq mashhur buyumlardan biri kimoshdi savdosiga qo‘yildi. Unga bo‘lgan qiziqish natijasida franshiza tarixidagi eng qimmat savdolardan biri amalga oshirildi.

Ikki filmda foydalanilgan yorug‘lik qilichi auksionda yuqori narxga sotildi

«Yulduzlar jangi: Saltanatning javob zarbasi» va «Jedayning qaytishi» filmlarining suratga olish jarayonida foydalanilgan Dart Veyderning yorug‘lik qilichi «Heritage Auctions» kimoshdi savdosi uyi orqali 4,8 mln dollarga sotildi. Bu kinofranshizaga aloqador buyumlar orasida kimoshdi savdosida sotilgan eng qimmat eksponat hisoblanadi.

Qilich filmlar turkumidagi eng mashhur sahnalardan birida namoyish etilgan.

Avval «Yulduzlar jangi»ga oid kimoshdi savdosida sotilgan eng qimmat buyum Lyuk Skayuokerning aynan shu qismda ishlatilgan yorug‘lik qilichi edi. 2026-yilning yozida u 3,75 mln dollarga sotilgan.

«Yulduzlar jangi» — keng qamrovli va mashhur mediafranshiza bo‘lib, 13 ta badiiy film, shuningdek, badiiy va animatsion seriallar, televizion film, hujjatli film, kitob, komiks, video o‘yin, attraksion, o‘yinchoq, hamda yagona fantastik olam doirasida yaratilgan boshqa asarlarni o‘z ichiga oladi. Ushbu olamga 1970-yillarning oxirida rejissyor Jorj Lukas asos solgan va keyinchalik u yanada kengaytirilgan.

Eslatib o‘tamiz, avvalroq «Christie’s» auksionida avstriyalik rassom Gustav Klimtning «Litslbergkeller» nomli manzara asari savdoga chiqarilishi haqida yozgan edik. Kartina qiymati 60–80 mln dollarga baholangan.

Теглар

savdo auksion madaniyat film san’at kolleksiya rekord.rekvizit

Мавзуга оид

Кеча 21:30

Omon qolish uchun 72 soat: Nega 33 davlat hukumati aholiga oziq-ovqat va suv g‘amlashni buyurmoqda?

Oktyabr oyining oxiridan buyon jahon ommaviy axborot vositalari va ijtimoiy tarmoqlarda turli mamlakatlarning fuqaro muhofazasi vazirliklari tomonidan e’lon qilingan rasmiy ko‘rsatmalar qizg‘in muhokama qilinmoqda. Kamida 33 ta davlat hukumati o‘z fuqarolariga favqulodda vaziyatlar uchun oziq-ovqat, suv va dori-darmon zaxirasini to‘plashni tavsiya qilmoqda.

Кеча 15:49

Turkiyada Markaziy bank rahbari fond bozoridagi mojaro fonida iste’foga chiqmoqchi

Mojaro sentabr oyining o‘rtasida boshlangan. O‘shanda bir nechta yirik investitsiya fondlari o‘z mablag‘larini qaytarib olmoqchi bo‘lgan mijozlar bilan hisob-kitob qila olmagan.

Кеча 14:35

Fors ko‘rfazi davlatlarining Markaziy Osiyodagi investitsiyalari 31 mlrd dollardan oshdi

2020 yildan 2026 yil o‘rtalariga qadar Fors ko‘rfazi davlatlarining Markaziy Osiyodagi investitsiya zaxiralari 3,4 barobar o‘sgan.

10.11.2026 | 09:10

Rossiya dizeli mojarosi: Tramp ruxsat berdi, tankerlar esa AQSHga bormadi

Tramp va Putin o‘rtasidagi dizel kelishuvi amalda kutilgan natijani bermadi: Rossiyadan AQSHga yo‘l olgan tankerlar boshqa yo‘nalishga burildi, yuklarni qabul qilish esa huquqiy bahslarga sabab bo‘ldi.

Бугун 16:29

Yangi Toshkentda 500 mln dollardan ortiq loyihalar uchun yer auksionining boshlang‘ich narxi belgilandi

Yerning yakuniy qiymati savdo natijalariga qarab aniqlanadi. Eng yirik investitsiya loyihalari uchun yer auksionining boshlang‘ich narxi 50 mln dollargacha bo‘lgan loyihalarnikidan 200 baravar past bo‘ladi.

Кеча 13:35