«Yangi Buxoro» aeroportini qurish bo‘yicha tender g‘oliblari aniqlandi

Кеча 20:132 дақиқа

Tender 2026 yil 12-mart kuni e’lon qilingan bo‘lib, ikki bosqichda — malaka so‘rovi va takliflar so‘rovi shaklida o‘tkazildi. Yakuniy bosqichga oltita kompaniya o‘tgan.

«Yangi Buxoro» aeroportini qurish bo‘yicha tender g‘oliblari aniqlandi

«Yangi Buxoro» xalqaro aeroportini davlat-xususiy sheriklik (DXSH) asosida qurish va boshqarish bo‘yicha o‘tkazilgan ochiq tenderda Turkiyaning «Limak İnşaat Sanayi ve Ticaret A.Ş.» va Qatarning «Hamad Bin Khalid Contracting Company W.L.L.» kompaniyalari konsorsiumi g‘olib deb topildi.

Ushbu kelishuv «Qurish-topshirish-boshqarish» (BTO) modeli asosida amalga oshiriladi.

Mazkur loyihada vazifalar ikkiga bo‘linadi. Xususiy sherik soatiga 1 200 yo‘lovchiga xizmat ko‘rsatish quvvatiga ega yangi yo‘lovchi terminali, vokzaloldi maydoni, avtoturargoh va tegishli infratuzilmani qurish hamda boshqarish ishlarini amalga oshiradi.

Davlat sherigi esa aerodrom majmuasini (uchish-qo‘nish yo‘lagi, perron) qurish va boshqarishni o‘z zimmasiga oladi. DXSH to‘g‘risidagi bitim umumiy 23 yil muddatga tuzilishi ko‘zda tutilgan bo‘lib, shundan 3 yili qurilish davrini o‘z ichiga oladi.

Xalqaro tajriba va kutilayotgan natijalar

2026 yilning 12-martida e’lon qilingan mazkur tender ikki bosqichda (malaka va takliflar so‘rovi) o‘tkazilgan va uning yakuniy bosqichiga oltita kompaniya yetib kelgan edi. Idoralararo tender komissiyasi tomonidan tanlangan g‘olib konsorsium tarkibidagi kompaniyalar yirik infratuzilma obyektlarini qurishda katta tajribaga ega.

Jumladan, «Limak» Prishtina (Kosovo) va Dakar (Senegal) aeroportlarini boshqaradi, shuningdek, Istanbul va Quvayt yangi aeroportlari qurilishida ishtirok etgan. «HBK Contracting» esa 2022 yilgi jahon chempionati finali o‘tgan Qatardagi «Lusail» stadionini qurgan bosh pudratchi hisoblanadi.

Eslatib o‘tamiz, ushbu DXSH loyihasi Prezidentning 2024 yil 30-avgustdagi PQ-308-son qaroriga asosan Transport vazirligi hamda Iqtisodiyot va moliya vazirligi bilan hamkorlikda amalga oshirilmoqda.

Теглар

tender aviatsiya Uzbekistan Airports davlat-xususiy sheriklik DXSH infratuzilma.Yangi Buxoro aeroporti Limak İnşaat HBK Contracting O‘zbekiston aeroportlari

Мавзуга оид

11.11.2026 | 22:13

Telefonlar uchun bekor qilinadigan boj, Yangi Toshkentdagi yirik imtiyozlar va Aeroportda bekor qilingan IMEI cheklovi — 11-noyabr dayjesti

Kun davomida O‘zbekistonda yuz bergan voqealar va hodisalar, yoritilgan yangiliklar va xabarlarning eng muhimlarini yana bir bor esga olamiz.

11.11.2026 | 20:48

O‘zbekiston Saudiya Arabistoni bilan energetika va tog‘-kon sanoatida yangi loyihalarni amalga oshiradi

Shavkat Mirziyoyev Antaliyada Saudiya Arabistoni vaziri Abdulaziz bin Salmon bilan uchrashdi.

Кеча 15:05

Shaxsiy ma’lumotlarni qanday himoya qilish mumkin? (qo‘llanma)

So‘nggi paytlarda aholining soxta bandlik bilan ta’minlanishi va shaxsiy ma’lumotlari o‘g‘irlanishi bilan bog‘liq qator holatlar sodir bo‘ldi. Bunday vaziyatda har kimning o‘z shaxsiy ma’lumotlarini himoya qilishi suv va havodek zarur. Vaqt.uz bu borada qo‘llanma tayyorladi.

Кеча 21:45

Sadir Japarov qirg‘iz-o‘zbek munosabatlariga putur yetkazmoqchi bo‘lgan ig‘vogarlarga keskin chora ko‘rilishini aytdi

Unga ko‘ra, «Xitoy — Qirg‘iziston — O‘zbekiston» temir yo‘li qurilishiga to‘sqinlik qilish va bo‘lajak saylovlarni barbod qilish maqsadida ayrim siyosatchilar qirg‘izlar va o‘zbeklar o‘rtasiga nizo solishni rejalashtirmoqda.

11.11.2026 | 23:00

O‘zbekiston va Gruziya Prezidentlari Turkiyada muzokara o‘tkazdi

Shavkat Mirziyoyev Mixail Kavelashvili bilan uchrashuv o‘tkazdi. Muloqotda ikki mamlakat o‘rtasidagi strategik sheriklik munosabatlarini yanada kengaytirishning dolzarb masalalari muhokama qilindi.

Кеча 20:55

Buxoro neftni qayta ishlash zavodining quvvati 4,6 mln tonnaga yetkazilib, «Yevro-5» benzini ishlab chiqariladi

«Yevro-5» ekologik standartiga javob beradigan AI-92 va AI-95 rusumli avtobenzin ishlab chiqarishni yo‘lga qo‘yish bo‘yicha qiymati 328 million dollarlik loyiha ishlab chiqilgan.