“Rahmonov jalb etilmagan” – Rasul Kusherbayev Yakkasaroyda kesilgan 174 tup archa bo‘yicha ochilgan jinoyat ishi haqida
Vaqt.uz muxbiri Yakkasaroyda 174 tup archaning noqonuniy kesilishi yuzasidan olib borilayotgan ishlar bo’yicha ma’lumot so’rab, Ekologiya vaziri maslahatchisi Rasul Kusherbayevga yuzlandi.
25-oktabr kuni tunda Yakkasaroy tumani, Bobur ko‘chasida 174 tup archa amaldagi moratoriy talablari poymol qilingan tarzda kesib tashlangan edi.
O‘shanda guvohlar daraxtlar Toshkent shahar hokimi o‘rinbosari Baxtiyor Rahmonovning topshirig‘iga asosan obodonlashtirish boshqarmasi xodimlari tomonidan tungi vaqtda kesib tashlanganini aytgan.
Shu voqeadan keyin ham 15 kun o‘tdi. Xo‘sh, daraxtlar kesilishi bilan bog‘liq ochilgan jinoyat ishi doirasida bugungacha nimalar ma’lum, kimlar javobgarlikka tortildi? Vaqt.uz muxbiri shu va boshqa savollar bilan Ekologiya vaziri maslahatchisi Rasul Kusherbayevga yuzlandi.
